Չարաբաստիկ ուղևորություն Մոսկվա–Երևան. Վրաստանում հայ ուղևորի են ձերբակալել

 

Մոսկվա–Երևան ավտոբուսի վարորդները դեռ Թբիլիսիում են, քանի որ նրանց անձնագրերը դեռ չեն վերադարձրել։

 

Վրաստանում «Ավազառ Բուս» հայկական ուղևորափոխադրող ավտոբուսի (Մոսկվա-Երևան երթուղու) վարորդին ազատ են արձակել։ Սակայն ձերբակալել են նույն ավտոբուսի ուղևոր Վաղարշակ Հովսեփյանին։ Այս մասին Sputnik Արմենիայի թղթակցի հետ զրույցում ասաց վարորդի փաստաբանը` Գոչա Տեդիաշվիլին։

 

Հունիսի 22–ին Մոսկվայից մեկնած ավտոբուսը հատել էր Ռուսաստանի սահմանը, սակայն վրացի սահմանապահները չէին թողել, որ այն շարունակի ճանապարհը, քանի որ սրահում արգելված ապրանք էին հայտնաբերվել։ Ավտոբուսում գտնվող գիրոսկուտերի մեջ մոտ կես կիլոգրամ թմրանյութ է եղել։

Արդյունքում ուղևորներին այլ ավտոբուսով են Երևան բերել։ Ավտոբուսը սահմանի վրա էր մնացել։ Հունիսի 25–ին հայտնի էր դարձել, որ վարորդներից մեկին ձերբակալել են։ Նա Մցխեթ քաղաքի մեկուսարանում էր։ Երկրորդ վարորդի ու կասկածյալ վարորդի անձնագրերը վերցրել էին, որ նրանք չկարողանան մինչ քննության ավարտը լքել Վրաստանը։

«Ձերբակալված վարորդին ազատ են արձակել, բայց ձերբակալել են ուղևորներից մեկին, որը բեռը պետք է տեղ հասցներ»,  –ասաց Տեդիաշվիլին։

Վերին Լարսում կանգնեցված ավտոբուսի ուղևորները տեղափոխվում են Հայաստան

Փաստաբանի խոսքով` վարորդները Թբիլիսիում են, քանի որ վրացական կողմը դեռ չի վերադարձրել նրանց անձնագրերը։ Փաստաբանն ասում է ամեն ինչ, որ փաստաթղերի հարցը լուծվի։

https://armeniasputnik.am/region/20190703/19453459/vrastanum-hay-uxevorien-dzerbakalel.html

Be the first to comment on "Չարաբաստիկ ուղևորություն Մոսկվա–Երևան. Վրաստանում հայ ուղևորի են ձերբակալել"

Leave a comment

Your email address will not be published.


*