Քոչարյանի մեղադրանքում հիշատակված են իր ու Սերժ Սարգսյանի մերձավոր անձինք իրենց թիկնազորով

 

Ռոբերտ Քոչարյանի պաշտպանները քննչական մարմնից պահանջում են մեկնաբանել, թե ովքեր են գործում հիշատակվող անհայտ անձինք։

 

 Մեղադրանքի մեջ կա հատևյալ դրվագը, որ Ռոբերտ Քոչարյանի ու Սերժ Սարգսյանի որոշ մերձավոր անձինք` իրենց թիկնազորի և մի շարք անձանց հետ միասին կատարել են ինչ–ինչ գործողություններ։

 

Մարտի 1–ի դատ

Այսօր դատանակ հերթական նիստից հետ լրագրողների հետ զրույցում հայտարարեց Քոչարյանի փաստաբան Հայկ Ալումյանը։

«Ասենք` մասնակցել են այդ հավաքների ճնշմանը, բայց նշված չէ, թե այդ մարդիկ ովքեր են` ոչ մեղադրանքում ու ոչ էլ գործից է հասկանալի, թե ում մասին է խոսքը։ Հիմա մենք կարդում ենք ու չենք կարողանում հասկանալ, թե ում մասին է խոսքը»,– ասաց նա,– դատարանն էլ չի կարողանում հասկանալ, թե ում մասին է խոսքը և այդ մարդիկ կատարել են արդյոք նշված գործողությունները»։

Այսօր դատական նիստում Ռոբերտ Քոչարյանը, անդրադառնալով մեղադրական եզրակացության նույն հատվածին, նշել էր, որ մարտի 1-ի 10 զոհերից  3-ը զոհվել են «Չերյոմուխայից», իսկ մնացած 7-ի սպանության հանգամանքներն առ այսօր անհայտ են։

Ռոբերտ Քոչրայն

Ըստ Քոչարյանի, ներկայիս քննչական մարմինն այդ սպանությունները փորձում է վերագրել գործում հիշատակվող անորոշ անձանց։

Այդուհանդերձ, Հայկ Ալումյանը հիշեցրեց, որ այսօր դատարանում քննվող գործը չի առնչվում 2008թ–ի մարտի 1-ի տասը սպանությունների հետ։

«Այս գործում որոշ բաներ այդ գործից են դրված, և ես, իհարկե, կարող եմ որոշ բաներ ասել դրանց մասին, բայց, այնուամենայնիվ, ինձ վրա այդ պարտականությունը մի դրեք, որ ես այդ 10 հոգու մահվան հանգամանքները փորձեմ քննարկել»,– լրագրողներին հորդորեց Ալումյանը։

Ռոբերտ Քոչարյանի նկատմամբ Մարտի 1-ի գործով դատավարությունը կշարունակվի մայիսի 16-ին, 11։00։ Սպասվում է, որ նիստին կարող են ներկայանալ նաև Արցախի նախկին ու ներկա նախագահները, որ երաշխավորագիր էին ներկայացրել դատարան` միջնորդելով կալանքից ազատել Քոչարյանին։

https://armeniasputnik.am/politics/20190515/18612574/robert-kocharyani-mexadranqum-hishatakvac-en-ir-ev-serj-sargsyani-merdzavor-andzink-irenc-tiknazorov.html

Be the first to comment on "Քոչարյանի մեղադրանքում հիշատակված են իր ու Սերժ Սարգսյանի մերձավոր անձինք իրենց թիկնազորով"

Leave a comment

Your email address will not be published.


*